Central Asia Gateway

Осиёи Марказӣ ва бозорҳои байналмилалиро пайваст намоед

Расмиёти пайдарпайи воридот ва содиротро бубинед

Ҷустуҷӯ

Дар бораи савдои хориҷӣ маълумот медиҳад

Gateway Info Trade Central Asia (Central Asia Gateway) дастрасии мустақимро ба дастурҳои зина ба зина дар бораи литсензияҳо, иҷозатҳои пешакии барасмиятдарорӣ ва тартиботи барасмиятдарории аксарияти молҳое, ки дар ҳудуди Осиёи Марказӣ, аз берун ба Осиёи Марказӣ ва аз Осиёи Марказӣ ба берун мавриди тиҷорат қарор мегиранд, фароҳам месозад.

Central Asia Gateway ба таври худкор маълумотҳоро аз порталҳои миллии cоддагардонии расмиёти савдо дар Қазоқистон, Қирғизистон, Тоҷикистон, Туркманистон ва Ӯзбекистон гирифта, иттилоотро дар бораи тартиботи содирот, воридот ва транзит барои намудҳои гуногуни нақлиёт, аз қабили автомобилӣ, роҳи оҳан, баҳрӣ ва ҳавоӣ намоиш медиҳад. Барои ҳар як расмиёт, Central Asia Gateway ба корбарон маълумот барои тамос, асноди зарурӣ, намуди хуҷҷатҳо, хароҷоти дахлдор, асосҳои ҳуқуқӣ ва роҳҳои ҳалли мушкилотро пешниҳод мекунад.

Иттилооти шаффоф дар бораи талабот ба савдои фаромарзӣ дар минтақа ба амалиёти мустақими тиҷорати мусоидат мекунад ва ба корбарон имкон медиҳад, ки аз масирҳои Осиёи Марказӣ ба таври самарабахш истифода кунанд.

Тоҷирон дигар дар қоидаҳо ва ҳуҷҷатгузории вақти тӯлонӣ талабкунанда, ки хеле мураккаб мебошанд, сардаргум намешаванд ва акнун метавонанд танҳо тавассути пахш кардани як тугмача ба иттилоот дастрасӣ пайдо кунанд.

Дастгирии ҳамоҳангсозии сиёсати савдо

Тавассути Central Asia Gateway интиқоли молҳо дар долонҳо тезтар ва осонтар мегардад. Он ба рушди ҳамгироии тиҷорати минтақавӣ ва пайваст кардани тиҷорат ба бозорҳои минтақавӣ ва ҷаҳонӣ кумак хоҳад кард.

Хусусияти калидии Central Asia Gateway аз Индекси cоддагардонии расмиёти савдо (ИСРС) иборат мебошад.

ИСРС ба кишварҳои Осиёи Марказӣ дар табодули таҷрибаҳои пешқадам ва пайгирӣ намудан аз пешрафти худ дар самти мусоидат намудан ба ҳадафҳо дар сатҳи минтақавӣ ва миллӣ имконият фароҳам мекунад.

Он инчунин ба муассисаҳое, ки дар масоили марбут ба мусоиднамоӣ ба тиҷорат машғул ҳастанд, дар ҷихати тадбирҳо ва муқоиса намудани осонии воридот ва содирот байни кишварҳои Осиёи Марказӣ имконият медиҳад.

Дар айни замон, Central Asia Gateway биниши долонии расмиёти тиҷоратиеро, ки дар масирҳои Осиёи Марказӣ қобили татбиқ мебошанд, озмоиш мекунад.

Дар айни замон, ба ИСРС ва биниши долонӣ танҳо корбарони бақайдгирифташуда метавонанд дастрасӣ дошта бошанд.